--Ads--

VIGAN CITY – Agpada a Dead-on-arrival idiay balay-pagagasan dagiti dua a nagmaneho iti motorsiklo ta nagdinnungpar idiay Cabigbigaan, Sto Domingo idi alas singko baente ti malem idi kalman, December 8.

Nabigbig dagiti biktima a dagiti agkalugaran a da Robert Magayano nga agtawen ti dua pulo ket lima nga agnaed idiay Barangay Calay-ab, Sto. Domingo a nagmaneho ti Skydrive kenni Bobby Ridor nga agtawen ti dua pulo ket walo a nagmaneho ti Euro SYM motorcycle.

Maibasar iti inisyal nga imbestigasyon ti Sto. Domingo Municipal Police Station, agpa-laud a direksyon ti  Skydrive a minaneho ni Magayano idinto nga agpa-daya met ni Ridor a nagmaneho ti SYM motorcycle idi nagdinnungpar da iti tingnga iti kalsada a poon iti aksidente.

Naitaray dagiti dua idiay Ilocos Sur District Hospital- Magsingal para iti pannakatamingda ngem natay da.


RELATED ARTICLESMORE FROM AUTHOR