VIGAN CITY – Dua a lalaki iti nadunor kalpasan iti panangtukbob ti maysa a motorsiklo iti maysa met laeng a motorsiklo iti national highway idiay Sitio Limmansangan, Brgy. Margaay, Narvacan, Ilocos Sur.
Segun ti Narvacan Municipal Police Station, nabigbig ti nagmaneho iti Red Motorstar a ni Jordan Alagao Bisnan, agtawen iti duapulo ket innem, baro nga agnaed idiay Brgy. Palaquio, Bucay, Abra idinto a ti nagmaneho iti Blue Yamaha Sniper ket ni Kenny Pacleb Camero, agtawen iti tallopulo ket tallo, naasawaan nga agnaed idiay Brgy. Ambulogan, Narvacan.
Maibasar iti inisyal nga imbestigasyon, agpapaamianan a direksyon ni Bisnan idi tinukbob ti napaspas a Yamaha sniper a minaneho ni Camero a gappuanan iti pannakatumbada ket natinnagda iti kanal iti kannawan a paset iti kalsada iti sniper a gappuanan ti pannakadundunborda.
Agpada a naipan iti Ilocos Sur District Hospital, Narvacan dagiti nagmaneho iti motorsiklo para iti pannakatamingda idinto a saan pay nga ammo nu mano iti gatad iti nadadael a paset dagiti motorsikloda.
