VIGAN CITY – Naipaagas iti ospital dagiti dua a nagmaneho iti motorsiklo iti aksidente idiay Barangay Poblacion East, San Ildefonso.
Dagiti karaman iti aksidente ket da Sosimo Peso Gallardo, agtawen iti innem a pulo ket dua, agnaed iti Barangay Iboy San Ildefonso, nagmaneho iti Euro a motorsiklo ken ni John Rick Tabangcura Tubon, agtawen iti duapulo ket dua, agnaed iti Barangay Napo, Sto. Domingo, nagmaneho iti Yamaha Sniper
Agpapalaud a direksyon ti Euro a motorsiklo a naggapu iti barangay road idin ta idi bumallasiw iti national highway ket saanna a napasungadan ti agpapa-amianan a Yamaha Sniper nga isu ti puon ti aksidente.
Gapu dayta, nagsagaba iti dunor ti nadumaduma a paset ti bagi dagiti nagmaneho iti motorsiklo nga agpada a naipaagas iti ospital para ti pannakatamingda.
