--Ads--
VIGAN CITY – Agpapalaing iti balay pagagasan dagiti nagkalubbon iti motorsiklo a naidungpar iti SUV idiay Brgy. Poblacion, Banayoyo.
Nabigbig dagiti nagkalubbon a da Baby Jane Makil, agtawen iti duapulo ket lima ken ni Nicole Fabrigas, agtawen iti sangapulo ket walo.
Ti SUV a minaneho ni Carlito Cumpas Jr., agtawen iti tallopulo ket walo a taga-Pugis, Trinidad, Benguet ken ti pasaherona a ni Judelyn Reyes a taga-Lintic, Banayoyo ket agpapalaud a direksion idin ta nagsikko nga agpa-amianan ti drayber ket naidungpar iti agpapadaya a motorsiklo.
Gapu ti dayta, nadunor dagiti naglugan iti motorsiklo a naipaagas iti Tablac, Candon City General Hospital idin ta dagiti naglugan iti SUV ket saan a nadangran
-- ADVERTISEMENT --
