Dua a nagkalubbon iti motorsiklo, nadunor iti aksidente iti ili ti Cabugao

Dua ti nadunor iti napasamak nga aksidente idiay Barangay Lipit, Cabugao, Ilocos Sur.

Ti Honda TMX 125cc a motorsiklo ket minaneho ni Keianne Jerick Tumbaga Balasan, agtawen iti sangapulo ket siam, awan driver’s license na, backride-na ni Mark Reynier Manantan Mauricio, agtawen iti sangapulo ket siam, agpada a taga-Barangay Cuantacla, Cabugao.

Agpapadaya ti motorsiklo, ket idi madanonda ti nakapasamakan ti insidente, saan a nakontrol ti drayber ti manibela ti luganna ket naidungpar iti poste ti koriente.

Gapu dayta, nadunor ti akin-kannawan a kiday ken akin-kannawan a saka ti drayber idinto a ti backride na ket nadunor ti akin-kannigid a pingping ken nadumaduma a paset ti bagina.