VIGAN CITY – Naipaagas iti ospital dagiti nagkalubbon iti motorsiklo gapu ti pannakatukbobda iti maysa a TMX idiay Barangay Sacuya Norte, Santa.
Nabigbig ti nagmaneho iti Honda TMX a ni Joel Orro Aguilar, agtawen iti uppat a pulo ket tallo, taga-Barangay Nagsabaran, San Juan idinto a ti Euro 125 a motorsiklo ket minaneho ni Cristy Bautista Tagayuna, agtawen iti duapulo ket uppat, RPMI collector, taga-Barangay San Clemente, Magsingal ken adda backrider-na a ni Violeta Ugalino Tagayuna, agtawen iti innem a pulo ket tallo a taga-Barangay Libtong, Tagudin.
Agpapa-amianan a direksyon ti Euro a motorsiklo idin ta saanna a nadlaw ti TMX a nakasardeng iti daya a paset ti shoulder lane ket nadungparna ti likudan a pasetna.
Gapu dayta, nadunor ti drayber ti Euro ken ti backrider na idinto a ti nagmaneho iti TMX ket saan a naan-ano.
