VIGAN CITY – Kaso a panaglabsing iti Republic Act 9165 wenno Comprehensive Dangerous Drugs Act of 2002 ti sangwen dagiti dua a natiliwan nga agpo-pot session idiay Brgy. Mabilbila Sur, Santa.
Nabigbig dagiti suspek a da Philip Advincula, agtawen iti tallopulo ket innem ken ni Josie Lovendino, agtawen iti limapulo ket innem nga agpada a residente ti nasao a lugar.
Iti pannaki-uman ti Bombo Radyo Vigan ken ni PLt. Joseph Fieldad, Officer in charge ti Santa Municipal Police Station, maysa a concerned citizen ti nangipakaammo kadakuada nga adda manarimaan a pot session iti pagtaengan ni Lovendino isu a nagrespondeda ket naaktuan dagiti suspek iti iligal nga aramidda.
Ni Advincula ket karkaruarna iti pagbaludan idi May 2020 gapu ti droga idinto nga awan ti monitordan ken ni Lovendino.
Nakakustodian dagiti suspek iti Santa PNP pakairamanan dagiti naala a drug paraphernalia manipud kadakuada tapno maidalan iti husto a proseso.
