--Ads--
VIGAN CITY – Agtaltalinaed iti balay pagagasan dagiti naaksidente idiay Brgy. Suso, Sta. Maria.
Nabigbig dagiti biktima a da Richard Ariz Antonio, agtawen ti tallo pulo, maysa a construction worker nga agnaed idiay Brgy. Lubong ken nagmaneho ti yamaha mio kenni Elton Blanco, agtawen ti lima pulo, maysa a construction worker nga agnaed idiay Brgy. Suso a nagmaneho iti Honda Wave.
Agpada nga agpapa-abagatan a direksion dagiti nasao a lugan idi nagin-inayad ni Blanco ta agsikko kuma nga agpa-kannigid isu a natukbob iti sumar-saruno kenkuana a ni Antonio.
Agsipud iti dayta, nagsagaba iti dunor dagiti dua a nagmaneho ti motorsiklo ket naipan da iti kaasitgan nga ospital.
-- ADVERTISEMENT --
