Maysa ti nadangran kalpasan a nagdinnungpar dagiti dua a motor idiay along national highway iti Barangay Sulvec, Narvacan, Ilocos sur.
Ti Honda click ket minaneho ti maysa nga agtawen iti uppat a pulo, residente ti Cabaroan, San Esteban Ilocos sur.
Ti met Honda wave dash ket minaneho ti estudyante nga agtawen iti sangapulo ket siyam residente ti Margaay, Narvacan, Ilocos Sur.
Basar iti imbestigasyon, agpaabagatan iti honda click, idinto a ti Honda wave ket agpadaya a direaksion, idi madanon da ti nakapasamakan ti insidente, mapapati a saan a nakapreno ti click iti intersection, rason ti panagdinnungpar da ti Honda wave.
Nadunor ti bagi ti drayber ti Click a naipan iti balay pagasan para ti naan-anay a pannakatamingna, idinto a saan a naan-ano ti drayber ti wave.
