VIGAN CITY – Nagdinnnungpar iti duwa a motorsiklo idiay Brgy.San Julian, Magsingal Ilocos Sur a naka dundunoran dagiti driver ken back rider iti motorsiklo.
Nabigbig iti driver ti TVS Apache MotorCycle a ni Ariel Pagao Molina nga agtawen ti duwa pulo ket uppat, naasawaan, laborer ken agnaed idiay Barangay Manzante ken iti nagmaneho ti Suzuki Smash Motorcycle a ni Marilyn Pamulo Tapuro agtawen ti uppat a pulo ket tallo, balo ken iti backrider na a da Jennifer Pamulo Lubera agtawen ti duwa pulo ket uppat ken ti menor de edad a babai nga agtawen ti sangapulo ket duwa a taga- Panay Norte, Magsingal Ilocos Sur.
Basar iti imbestigasyon dagiti otoridad, daldalyasaten ni Pagao iti agpalaud a direksyon idi nakadanun ti intersection ket bigla a nakidinnungpar ti agpaamianan a direksyon a motor a minaneho ni Pamulo.
Naitaray dagiti biktima idiay Magsingal District Hospital para iti pannakataming dagiti dunor a sinagaba dagiti biktima.
