VIGAN CITY – Naitaray idiay Sta. Lucia District Hospital ngem naiyalis idiay Ilocos Training Regional and Medical Center, San Fernando City, La Union dagiti nagmaneho iti dua a motorsiklo a nagdinnungpar idiay Barangobong, Sta. Lucia idi alas otso singkwenta iti rabii idi April 13.
Segun ken ni Police Captain Frederico Artates, deputy chief of police ti Sta. Lucia municipal police station, posible a napartak iti panagpataray na iti agpa-daya a direksyon ti Rusi motorcycle a minaneho ni Macario Gabatin Habon nga agtawen iti uppat a pulo ket uppat, naasawaan ken agnaed idiay Pila East, Sta. Lucia isu nga idi agovertake ket saan na a nasiputan iti kinasinnabet na nga agpa-laud a direksyon a Honda wave a minaneho ni Joseph Cortez Alcodia nga agtawen iti dua pulo ket dua, baro ken agnaed idiay Conconig West, Sta. Lucia isu a napasamak iti aksidente.
Awan iti CCTV iti lugar a nakapasamakan iti aksidente a mabalin a makatulong iti imbestigasyon dagiti otoridad.
Ngem adu ti mangibaga a bigla a nagovertake ti Rusi iti agpapa-daya a direksyon isu a saan na a nasiputan iti Honda wave ket nagdinnungpar da a poon iti nakaipalladawan da iti igid iti kalsada ken nagsagabaan da iti dunor iti ulo ken naduma-duma a paset iti bagi da.
