VIGAN CITY – Natay ni Francisco Cortez , agtawen ti innem a pulo idinto a nakalasat ti backridena a ni Anita Corpuz , agtawen ti limapulo ket tallo nga agpada a taga Paing, Bantay ta dinungpar ti maysa met laeng a motorsiklo a minaneho ni Reggie Odvina, agtawen ti duapulo ket maysa a taga Brgy. San Mariano, Bantay.
Maibasar iti imbestigasyon dagiti pannakabagi ti linteg, ti Rusi Motorcycle a nagluganan ni Francisco ken ti asawana a ni Anita ket adda iti makinkannawan a paset ti kalsada a dumalyasat ngem dinungpar ti MX Spark MC a minaneho ni Odvina.
Minor injury iti sinagaba ti backrider a ni Anita ngem pimmusay iti ospital ti asawana ta naglak-am ti nakaro a dunor iti naduma-duma a paset ti bagi na.
Kabayatanna, manarimaan iti pannakataming ti nakadungpar nga adda ita iti Ilocos Sur Provincial Hospital Gabriela Silang ket maiyur-uray nu mangipila ti kaso dagiti biktima kontra ti nangdungpar kadakuada.
