Addan ti person of interest dagiti otoridad iti nangtakaw kadagiti dua a manok a texas idiay Barangay Lubing, Burgos, Ilocos Sur.
Ti akin-kukua kadagiti dua a manok ket ni Jofre Ponce Vilanueva, agtawen iti duapulo ket uppat, baro, breeder iti cock farm nga agnaed iti nasao a lugar.
Iti pannaki-uman ti Bombo Radyo Vigan ken ni PCpt. Allan Reoliquio manipod Burgos Municipal Police Station, nagturong iti biktima kaduana ti amana a ni Godofredo Villanueva iti Police Station idi February 1, 2025 ket impakaamoda iti pannakapukaw ti dua a manok.
Segun ken ni Reoliquio, agsapa iti nasao nga aldaw idi napanna pinakan dagiti manokna ket kalpasanna napanda idiay Santa a nakitadi ngem idi nagawiddan ket napansin ti biktima a nakalugat ti gate a pagip-ipananna kadagiti manok nga isun ti nakadlawanna a mapukpukaw dagiti dua a manok.
Apaman a naipakaammo maipanggep ti pannakapukaw ti manokna ket adda nangipakaammo kenkuana iti pannakakitada ti nagpost nga agilaklako iti manok a kas iti mapukpukaw a tarakenna.
Nupay kasta, naammoan a ti nag-post iti ladawan ket saan nga isu ti suspek nu diketdi isu iti gimmatang ta nagatangna dagiti manok iti sag tunggal P4,700, ngem naibagana nga am-ammona ti nagilako isu nga impagarupna a tarakenna iti inlakona.
VIDEO – PCPT. ALLAN REOLIQUIO
