VIGAN CITY – Namuelta iti sag- uppat a gasut a pisos dagiti dua a mangangalap a naglabsing iti municipal ordinance idiay ili ti Magsingal.
Ni Santiago Sapun Garcia, agtawen iti innem a pulo ket walo a taga-Dardarat, Cabugao ket awan ti lisensya ken permitna a nagkalap iti kabaybayan ti Brgy. Miramar.
Dagiti ebidensya ket ti maysa a banca nga aggatad iti PHP40,000, 90 meters hook and line nga aggatad iti PHP1,500 ken dua a kilo ti nadumaduma a klase ti ikan nga aggatad iti PHP 400.
Kabayatanna, ni Primo Banadera Pagay, agtawen iti tallopulo ket walo a taga-Miramar ket natiliwan nga agar-aramat iti saan a rehistrado a bangka nga aggatad iti PHP40,000, sigay nga aggatad iti PHP1,500 ken maysa a kilo ti nadumaduma a klase ti ikan a nakalapanna nga aggatad iti dua gasut a pisos.
Iti pannaki-uman ti Bombo Radyo Vigan ken ni Provincial Maritime Chief PMaj. Rommel Lazaga, binalakadanna dagiti mangngalap a sakbay nga usarenda dagiti bangka ket nakarehistroda iti munisipyo ken sakbay nga iparehistroda ket mangalada iti maritime fishing vessel clearance tapno saanda a matiliw.
