VIGAN CITY – Dua a lugan ti nagdinnungpar iti Barangay Paratong, Sinait.
Nabigbig ti drayber ti nangisit a Nissan Navarra Pick up a ni Mike Jefferson Sambrana, agtawen iti duapulo ket uppat a taga Brgy Turod, Cabugao idinto a ti nagmaneho iti nalabaga a Honda City Sedan ke ni Regalado Tabudlo Sunico, agtawen iti uppat a pulo ket walo a taga-Brgy Quezon.
Agpapa-amianan a paset ti Pick up idi nagsignal nga agpakannigid iti kalsada a sumrek iti provincial road ket nadungpar ti sumarsaruno kenkuna a lugan.
Gapo dayta, naadael ti kannigida likudan a paset ti lugan ngem awan ti nadangran kadakuada.
Naduktalan laeng a nakainom iti arak ti nagmaneho iti sedan.
Immuna a naipan iti Ilocos Sur District Hospital-Sinait dagiti dua sakbay ti pannakaipanda iti police station.
