Dua a lugan ti nagdinnungpar iti national highway ti Barangay Poblacion East, San Ildefonso, Ilocos Sur.
Ti FUSO Ten Wheeler Wing Van ket minaneho ni Rey Mark Mauricio Fajardo, agtawen iti duapulo ket siam, taga-Barangay Liwayway, Sta. Rosa, Nueva Ecija, inluganna da Mark Ian Soriano David, agtawen iti duapulo ket lima, taga-Barangay Homestead 11, Talavera, Nueva Ecija.
Ti met nagmaneho iti Mitsubishi Mirage GLX ket ni Mark Albert Bayani, agtawen iti duapulo ket innem taga-Barangay Tamurong, Sta. Catalina.
Iti pannaki-uman ti Bombo Radyo Vigan ken ni Police Captain Medel Perinion. agpapa-amianan ti wing van idinto nga adda iti bangir a linya ti Mitsubishi Mirage.
Idi nadanonda ti nakapasamakan ti insidente, inagaw ti Mitsubishi Mirage iti linya ti wing van a rason ti panagdinnungparda.
Awan ti nadangran iti napasamak ngem naipan latta iti ospital dgaiti karaman para iti medical examination.
