--Ads--
VIGAN CITY – Awan ti nadangran iti napasamak a panagdinnungpar ti dua a lugan idiay Brgy. San Rafael, San Esteban.
Nabigbig dagiti karaman iti aksidente a da Marjoe Carranza Ellorin, agtawen ti tallo pulo ket maysa, municipal driver ken agnaed idiay Brgy. Olo-olo Sur, Santiago a nagmaneho ti Toyota Hiace idinto a ti nagmaneho ti Mitsubishi Montero ket ni Ronald Calderon Navarro, agtawen ti uppat a pulo ket walo, OFW ken agnaed iti Orion, Bataan.
Agpapaamianan ti Mitsubishi Montero idi nagdungsa ti driver ket saan na a napuotan a napan iti bangir a linya a rason ti pannakaidungparna iti nakasinnabetna a Toyota Hiace.
Agsipud iti napasamak, nadadael iti sumagmamano a paset iti lugan ngem awan iti nadangran kadagiti pasahero.
-- ADVERTISEMENT --
