VIGAN CITY – Dua a lugan ti nagdinnungpar ta saan a nadlaw ti Toyota Hilux nga adda iti sumungsungad a maysa pay a lugan idiay Brgy. Caburao, Santiago.
Nabigbig dagiti karaman ti aksidente a da PSMS Emilio Guddaran a driver ti Toyota Fortuner, agtawen uppat a pulo ket uppat agnaed ti Brgy .919 norma St. Sampaloc, manila ken maysa a gray Toyota Hilux Pick-up a minaneho ni Van Huzen Sapla agtawen uppat a pulo ket tallo ken agnaed ti Brgy. Guimba, San Juan, Abra.
Basar ti imbestigasyon ti Santiago Municipal Police Station, agpapaamyanan a direksyon ti Toyota Fortuner ken daldalyasaten iti agpaabagatan a direskyon ti Toyota Hilux a nagovertake ti motorsiko ket saanna a nadlaw ti sumungsungad a Fortuner.
Liniklikan ni Sapla a mapasamak ti aksidente ngem napasamak iti panagdinnungpar dagiti dua a lugan.
Awan iti nadangran iti napasamak nga aksidente ken manarimaan ti imbestigasyon ti PNP inaig iti nasao a pasamak.
