Dua a lugan, nadadael kalpasan ti napasamak nga aksidente iti ili ti Cabugao

Agpada a nadadael dagiti dua a lugan a karaman iti aksidente iti national highway, sakupen ti Barangay Baclig, Cabugao, Ilocos Sur.

Ti nagmaneho ti Hyundai Grace Van ket agatwen ti uppat a pulo ket innem, residente ti Barangay Arnap, ili ti Cabugao.

Ti met nagmaneho ti Toyota Fortuner ket agtawen ti innem a pulo ket siam, residente ti Namungan, Rosario, Batangas.

Basar iti imbestigasion, ti van ket naka-parking iti shoulder lane ti national highway idinto a ti Fortuner ket agpapa-abagatan a direksion.

Idi madanon iti nakapasamakan ti insidente, liniklikan ti Fortuner ti maysa a traysikel rason ti pannakadungpar-na ti van.

Agpada a nadadael iti nadumduma a paset dagiti dua a lugan ken awan ti nadangran iti napasamak nga insidente.