VIGAN CITY – Manarimaan iti pannakaisayangkat iti dua a lawas a panagsanay dagiti agkalikagum a sumrek nga agbalin a kameng iti Provincial Disaster Risk Reduction and Management Council-Ilocos Sur.
Iti pannaki-uman ti Bombo Radyo Vigan ken ni PDRRMC-Ilocos Sur Head Michael Chan, nasurok limapulo iti nag-apply ngem sangapulo laeng iti slot isu masubok iti kabaelanda.
Segun ken ni Chan, dagiti mapagasatan a maala ket saan laeng a ti PDRRMC iti pakaipananna ta adda pay ti maipan iti Kalsada Task Force.
Kalpasan iti evaluation iti traverse inton sumaruno a lawas ket maisayangkatton iti final exam para kadakuada ket iti sumaruno nga uppat nga aldaw ket maamwanton dagiti nakapasa.
Pinasingkedan ni Chan a dagiti saan a mapagasatan a maala ket makaawat iti certificate a dimmalan iti nasao a training a maaramatda nu kayatda nga ag-apply iti sabali nga ahensya ken numan bilang nga agbakante manen iti nasao nga ahensya.
Innayonna a saan laeng a lallaki iti al-alaenda ta adda pay iti babbai ken kameng ti LGBTQIA+ Community ta agpapada laeng iti dumalanan a training.
