VIGAN CITY – Maisagsaganan iti kaso a sangwen dagiti dua a lallaki a nakemmeg iti buy-bust operation a naiwayat idiay Barangay Poblacion, Sto. Domingo idi alas nuwebe y media iti agsapa idi September 19.
Dagiti nakemmeg ket nabigbig a da Victorino Honrado nga agtawen ti lima pulo, baro ken agnaed idiay Barangay Quezon, Cabugao kenni Godfrey Purisima nga agtawen ti lima pulo ket maysa, naasawaan ken drug surrendere nga agnaed idiay Barangay Nalasin, Sto. Domingo.
Naala kadakuada ti tallo a heat sealed transparent plastic sachet a naglaon iti mapapati a shabu a nagserbi a buy-bust item ken innem a ribo uppat a gasut innem a pulo ket innem a pisos a kwarta.
Ti naala a shabu kadagiti suspek ket agdagsen ti 0.4 a gramo a mapatta-patta nga aggatad ti tallo ribo a pisos.
