VIGAN CITY – Naitaray idiay Ilocos Sur Provincial Hospital- Gabriela Silang da Reyjan Llanes nga agtawen ti dua pulo ket pito, naasawaan, gasoline boy kenni Eugene Quibuan nga agtawen ti dua pulo ket innem, naasawaan ta binagkong ida ni Jordan Adayan nga agtawen ti tallo pulo ket maysa, naasawaan idiay Villamar, Caoayan idi alas nuwebe singkuwenta idi rabii idi September 1.
Naggapu ti videoke bar ti suspek iti nasao a lugar ket idi agawiden, nakita na dagiti biktima nga agpatpatang iti waiting shed isu nga immasideg kadakuada.
Mapapati nga inuyaw dagiti biktima ti suspek isu a nakapungtot ket nagawid ngem idi nagsubli, adda iti ikot na a kutsilyo sa na binagkong dagiti biktima.
Naitaray iti ospital dagiti biktima idinto a ti suspek ket kinemmeg dagiti nagresponde a kameng ti Caoayan municipal police station.
