VIGAN CITY – Pursigido nga agipila ti kaso ni Fatima Coloma, agtawen ti limapulo ket uppat a taga-Brgy Oaig Daya, Candon kontra kadagiti dua a lalaki a kalugaranna gapu ti mapapati a panagpartida ti asona.
Pinasingkedan ni P/Maj. Pol Arreola ti Galimuyod PNP a personal a napan nagreklamo ni Coloma iti PNP ta sipud pay idi Hulyo 18 ket mapukpukaw ti asona a maysa a Halfbreed Shihtzu nga agmaris ti nangisit ket naibaga kenkuana a pinarti da Marcos Galima ken ni Domiandor Millan
Imbaga kenkuana ni Flor Rigor nga adda ti nangegna nga uni ti aso a maparparti iti pagtaengan ni Milan ken innayon ti ni Gloria Gorospe a nakitana mismo ti aso ni Coloma nga isu ti pinarti dagiti dua.
Paglibakan met dagiti dua a lallaki ti pammabasol kadakuada ngem nupay kasta, maisagsaganan ti kaso a sangwenda.
