--Ads--
VIGAN CITY- Dua ti nakemmeg iti napasamak a mauling incident idiay Barangay Baggoc, Caoayan.
Nabigbig dagiti suspek a da Billy Castro Quiocho, agtawen iti tallopulo ket lima ken ni Dwane Quiochio, agtawen iti duapulo ket siam.Ti met biktima ket ni Leonardo Pascua Ragudo Jr., agtawen iti tallopulo ket walo, caretaker.
Dagiti suspek ken ti biktima ket agpapada nga agnaed iti Barangay Baggoc, ili ti Caoayan.
Sakbay ti pasamak, nakalugan iti motorsiklona ni Quiocho idin ta nalabsanna ti biktima iti nasao a barangay.
-- ADVERTISEMENT --
Pinukkawan ti biktima ni Quiocho isu a nagpatulong met daytoy iti kabsatna a lalaki a ni Dwane ket sinublianda ti biktima sada binugbog.
Nagsagaba ti biktima iti dunor ti ulona ken naipaagas iti ospital para ti pannakatamingna.
