Dua ti nakemmeg iti naiwayat a buy-bust operation idiay Barangay Oaig Daya, Candon City, Ilocos Sur, maysa a Drug Cleared Barangay.
Dagiti suspek ket da Charles Jhassper Capon Habon, agtawen iti duapulo ket maysa, construction worker, taga-Barangay Lubong, Sta. Lucia ken ni Raven Geda Guzman, agtawen iti duapulo ket tallo, taga-Barangay Gabur Sur, Sta. Cruz.
Naala manipud kadakuada ti nasurok kumurang 2.2 grams ti marijuana leaves with buds nga aggatad iti P264, naikabl iti bassit a self-sealing transparent plastic sachet a nagserbi a buy-bust item.
Dagiti non-drug evidence ket pakairamanan ti boodle buy bust money, maysa a piraso ti lima gasut a pisos, glass pipe, maysa a piraso ti awan kargana a self-sealing transparent plastic sachet, pitaka, cellphone, tulbek,vape, lisensya, P404 a personal money ken motorsiklo.
Sangwen dagiti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
