VIGAN CITY – Dua iti nakemmeg idinto a maysa iti nakalibas iti naisayangkat nga Anti-Illegal Gambling Operation idiay Brgy. Gabao, Santiago.
Iti pannaki-uman iti Bombo Radyo Vigan ken ni PEMS Angel Baquiran iti Santiago Municipal Police Station, adda iti nangipakaammo kadakuada inaig ti agpo-pool iti nasao a lugar isu a nagrepondeda isu a nakemmegda ti dua a suspek ngem nakalibas ti maysa.
Nabigbig dagiti suspek a nakemmeg a da Rodolfo Etrata Martinez, agtawen iti limapulo ket tallo, naasawaan, mangngalap ken Rica John Delver Arca, agtawen iti duapulo ket innem, baro, karpentero nga agpada nga agnaed iti nasao a lugar.
Segun ken ni Baquiran, awan met iti rekord dagiti nakemmeg inaig iti isu met laeng a panaglabsing ta umuna a gundawayda a natiliw.
Naala kadakuada iti maysa a mother ball, sangapulo ket dua a piraso iti pitches, maysa a set ti pool table, maysa a piraso iti Taco, pito a piraso iti improvise material nga adda numberona a naaramat para iti bulletin ken pusta nga aggatad iti Php 310.00.
