VIGAN CITY – Dua a lalaki ti nabagsol ti barukong na idiay Brgy. Cacadiran, Cabugao idi rabii.
Nabigbig ti biktima a da Jeofrey Gaspar, agtawen dua pulo ket uppat ken Alvin Gaspar Baclig, agtawen dua pulo ket pito agpada a construction worker ken ti suspek a ni George Arrelano Naval agtawen ti dua pulo ket maysa addaan ti live in partner ken agpapada nga agnaed ti nasao a barangay.
Basar ti report manipod Cabugao Municipal Police Station, namin ano a daras a linabsan ti suspek dagiti biktima a napaspas iti panagpataray na ti motorsiklo’na iso a pinara ken binagbagaan dagiti biktima nga ininnayadenna ti panagpatarayna. Simmungbat ti suspek ket kinunana “adda panko resbakan, bagsolen diay laod, ibaga yo kayat yo, no inno kayat yo, haan dak am-ammo no inno nak a tao” narurud ni Alvin ket dinanogna ti suspek ngem dida ammu nga adda ti kutsilyo na iso a nabagsol da.
Naipan dagiti biktima idiay Suero General Hospital ken iti agdama iggemen ti PNP ti suspek ngem saanda a narekobre ti kutsilyo a naaramat.
