--Ads--
Dua a lalaki ti mapapati a nagtakaw iti uneg ti Imelda National High School (INHS) idiay ili ti Narvacan, Ilocos Sur.
Iti pannaki-uman ti Bombo Radyo Vigan ken ni Bryan Bosque, Teacher III ti INHS, napasamak ti insidente iti alas dos trenta y nuebe ti parbangon idi kalman, August 19, 2025 ken mapatta-patta a ti gagem dagiti suspek ket mangala iti kuarta ken makan.
Segun ken ni Bosque, awan ti naala nga aniaman a banag dagiti suspek iti uneg ti klasrumna ngem naperdi ti refrigerator ti kantina a mapapati a nakapukawan ti mainom ken biskwit.
Agtultuloy ti imbestigasion mainaig ti insidente tapno makemmeg dagiti suspek ken maidalanda iti husto a proseso.
-- ADVERTISEMENT --
