VIGAN CITY – Dua nga agsaruno a search warrant operaton iti naiserbi kadagiti dua a lallaki nga agnaed idiay Barangay Bandril, Nagbukel gapu iti panaglabsingda iti Republic Act 9165 wenno Comprehensive Drugs Act of 2002.
Immuna a naisayangkat iti operasyon ken ni Rodante Dacayan Balubar, agtawen iti tallopulo ket tallo, baro, ken mannalon a nakaalaan iti maysa a piraso iti small heat sealed transparent plastic sachet a naglaon iti mapapati a shabu nga aggatad iti pitogasut a pisos ken agdagsen iti 0.1 a gramo; maysa a piraso iti caliber 45 ken maysa a magazine nga addaan iti pito a live ammunitions; ken drug paraphernalia pakairamanan iti umatiddog a nabungon ti aluminum foils, improvised aluminum tooter, maysa nga improvised sealer, maysa a syringe needle, dua a heat sealed plastic sachet.
Simmaruno a naisayangkat iti search warrant operation ken ni Khalid Asistin Raganit, agtawen iti tallopulo ket uppat ken CG Member iti ABAYA-IMPERIAL drug group a maibilang a high value individual, ken Top 10 Regional Priority target iti salinong ti Coplan Kagawad.
Naala met kenkuana iti maysa a piraso iti heat-sealed transparent plastic sachet a naglaon iti mapapati a shabu nga agdagsen iti nasurok kumurang .5 a gramo nga aggatad iti P3,400 ken lima a piraso iti agduduma a disposable lighters.
Iti pannaki-uman iti Bombo Radyo Vigan ken ni PCapt. Floro Cosning Jr. manipod Nagbukel Municipal Police Station, saan laeng a makalawas nu diketdi umabot pay iti bulan iti panangmonitorda kadagiti dua a suspek nga agkuykuyog kadagiti transaksyon.
Segun kenkuana, ni Khalid Raganit ket maikatlon a gundaway a nakemmeg isu a babaen ti pwersa iti Provincial Drug Enforcement Unit ket balligi manen a naipaima kadagiti pannakabagi ti linteg.
Nupay kasta, manarimaan pay laeng iti panangiprosesoda iti nasao a kaso ta adda pay karaman a paltog iti naala manipod ken ni Rodante Balubar.
VOICE OF PCAPT. FLORO COSNING JR.
