Dua a lalaki ti nakemmeg pakairamanan ti maysa a menor de edad gapu iti panagtakawda iti motorsiklo idiay Barangay Caburao, Santiago, Ilocos Sur.
Nabigbig dagiti suspek a da Anthony Villanueva, alyas ‘Jabar’, agtawen iti sangapulo ket walo, taga-Sitio Lam-ag, Barangay Banoen, Quirino ken ti maysa nga agtawen iti sangapulo ket uppat.
Nakita dagiti kadua ti akinkukua ti motorsiklo a pagan-andaren ti suspek a menor de edad ti lugan isu a kinomprontarda.
Iti pannaki-uman ti Bombo Radyo Vigan ken ni PLT. Jaime Caban Jr., imbutaktak ti menor de edad nga adda kaduana a nangidagas ken mangur-uray kenkuana a daytoy ket nakamotorsiklo, nakasuot iti maong pants ken black jacket nga isu ti nangibaon kenkuana a mangitaray iti lugan, a segun pay kenkuana ket tapno mangalada iti gasolina.
Nangisayangkat dagiti pannakabagi ti linteg ti Santiago Police Station ken dagiti barangay official iti follow up operation ket nasarakanda ti kadua ti menor de edad.
Babaen iti pannakikinnammayet ti Santiago Municipal Police Station iti Quirino Police Station ket naduktalan a naminpaten nga inaramid ti suspek nga agtawen iti sangapulo ket siam ti nagtakaw.
