VIGAN CITY – Nakemmeg ni Steven Ballolong Lacasandile, agtawen ti duapulo ket tallo, baro nga agnaed idiay Brgy. San Miguel, Tagudin gapu iti kaso a Lascivious Conduct iti salinong ti Sec.5 iti RA 7610.
Ti panagtitinnulong ti Caoayan Police Station a lead unit, ISPIU, Tagudin Police Station ken 2nd ISPMFC ket nakemmeg ni Lacasandile babaen ti warrant of arrest nga inruar ni Hon. Leah Agripina Ramirez, Presiding Judge iti RTC First Judicial Region, Branch 20, Vigan City a napetsaan idi December 14, 2021 a nailatangan ti P400,000 a pyansana.
Ti naisayangkat a warrant of arrest ket nairekord babaen ti alternative recording device.
Naipan iti RHU Caoayan ti suspek para iti medical examination ngem naiyakar nga insigida iti Caoayan Police Station para iti husto a proseso.
Kabayatanna, nakemmeg ni Bartolome Cacamo Liwan, agtawen ti uppat a pulo ket walo, baro, mannalon nga agnaed idiay Brgy. Apaya, Alilem gapu iti kasona a Reckless Imprudence Resulting to Damage to Properties babaen ti bileg iti warrant of arrest nga inruar ni Hon. Vida Cortez-Jimeno, Acting Presiding Judge iti MTCC, Candon City a napetsaan idi December 6, 2020 ken nailatangan ti P30,000 a pyansa na.
