VIGAN CITY – Dead on arrival ti dua a lalaki idinto a nadundunor ti maysa a babai gapu iti pannakakuryenteda idiay Brgy. Amguid, Candon City, Ilocos Sur.
Nabigbig dagiti biktima a da Rolando Galinato Tabuso, agtawen ti pitopulo ket dua, naasawaan mannalon; John Reymart Hufalar Tabuso, agtawen ti duapulo ket dua, construction worker; ken Marlyne Mangay-ayam Tabuso, agtawen ti uppat a pulo ket dua, naasawaan nga agpapada nga agnaed ti nasao a lugar.
Segun ti Candon City Police Station, nakaawatda ti report manipod Ilocos Sur District Hospital Salcedo nga adda dagiti biktima ti pannakakuryente iti naipan iti ospital ket babaen ti attending physician-da a ni Dr. Mariel Gabuat ket dua iti naideklarar a dead on arrival nga isu da Rolando ken John Reymart idinto a nagdunor iti tengnged ken dua nga ima ni Marlyne.
Maibasar ti imbestigasyon, agbilbilag ti linabaan ni Marlyne idi aksidente a nakuryente iti live wire extension ket idi nakitada John Reymart ken Rolando, inarayatda ngem isun ti rason ti pannakuryenteda ken ipapatayda.
