VIGAN CITY – Dua a lalaki iti nakemmeg iti agsina nga Anti-Illegal Drug Operation idi kalman September 15, 2021.
Immuna a nakemmeg ni Bryan Utayde alyas Uno, agtawen ti duapulo ket lima, baro, construction worker, maysa a high value individual (HVI) ken PDEA target a drug personality iti salinong ti COPLAN “BATANG G” a tubo iti Aparri, Cagayan ngem agdama nga agnanaed idiay Brgy. Darapidap, Candon City, Ilocos Sur.
Babaen iti panagtitinnulong dagiti kameng ti Candon City Police Station kaduada ti PIU-ISPPO, RID PRO1, PDEA ISSET, ISPDEU, PHPT-Ilocos Sur ken 103rd MCRMFB 1 ket insayangkatda iti anti-illegal drugs operation iti nasao a lugar a gappuanan ti pannakakemmeg ti suspek.
Nakagatang ti poseur-buyer iti maysa a bassit a plastic sachet a naglaon ti mapapati a shabu nga agdagsen ti 0.2 a gramo ken aggatad iti Php 1,300.00 ket dua tibo iti naaramat a mark money idinto a naala pay ti maysa a cellphone kenkuana.
Kabayatanna, nakemmeg met idiay Abuor, Narvacan ni Allan Bautista, agtawen ti uppat a pulo ket innem, karaman iti PDEA Target List ken HVI Provincial Level, naasawaan nga agnaed idiay Brgy. Dinalaoan iti nasao nga ili.
Iti naisayangkat nga operasyon dagiti pannakabagi ti linteg ket naala manipod ti suspek iti maysa a heat-sealed transparent iti mapapati a shabu a nagserbi a buy bust item, uppat a babassit a heat-sealed transparent plastic sachet a naglaon iti mapapati a shabu nga agdagsen iti 0.5 a gramo nga aggatad iti Php 3,400.00, dua a piraso iti transparent plastic sachet a naglaon iti mapapati a napagango a bulong ti marijuana nga agdagsen iti sangapulo a gramo nga aggatad iti Php 1,200.00, maysa limagasut a pisos, maysa a unit iti Mitsubishi Mirage.
