Kinumpirmaran ti Zimbabwe ti kaunaan a dua a kaso ti mpox ngem saandan a naibaga nu ania a variant iti nairekord.
Segun ti health ministry, ti umuna a kaso ket na-detect iti agtawen sangapulo ket maysa a lalaki a nag-develop iti sintomas idi napan a bulan kalpasan iti panagbiahena idiay South Africa idinto a ti maikadua a kaso ket agtawen iti duapulo ket uppat a lalaki a nagsakit kalpasan ti panagbiahena idiay Tanzania.
Agpapalaing dagiti pasyente a taga-Harare ken Mberengwa, ken manarimaan ti contract tracing kadagiti nakapulapolda.
Maipalagip nga idi Agosto ket indeklarar iti World Health Organization ti mpox a global health emergency iti maikadua a gundaway iti napalabas a dua a tawen ta nagraira ti baro a variant iti viral infection manipod Democratic Republic of Congo agingga African countries.
