Kinumpirmaran ti Korte Suprema nga iyakar ti dua a kaso a kriminal a naipila kadagiti dua nga engineer iti Department of Public Works and Highways (DPWH) ken iti contractor a ni Sarah Discaya.
Segun ken ni Supreme Court Spokesperson Atty. Camille Ting, naiyakar idiay Lapu-Lapu City Regional Trial Court (RTC) iti reklamo kontra kadagiti Discaya ken dua a DPWH engineer idiay Davao Occidental.
Kasaruno dayta iti guidelines ti korte nga iyakar ti corruption-related cases nga adda pakainaigan dagiti proyekto maipanggep ti imprastraktura ti designated anti-graft court ti kaasitgan a judicial region a pilien ti presiding wenno executive judge.
Idi kalman a kinumpirmaran ti Department of Justice (DOJ) Spokesperson Atty. Polo Martinez ti plano nga yakar iti korte a mangig-iggem ti kaso manipod Davai gapu kadagiti nadutokan nga special court.
