--Ads--
VIGAN CITY – Dua a full-grown marijuana plants a ti kangatona ket nakurang uppat a kadapan ken aggatad iti uppat a gasut a pisos ti pinarut dagiti operatiba idiay Brgy. Mantanas, Sta. Cruz.
Nakemmeg ti akin-mula a ni Ariel Silapan, agtawen iti tallopulo ket walo nga agnaed iti nasao a lugar.
Segun ken ni PLt. Daniel Alviar, Deputy iti Sta. Cruz Police Station, awan iti listaanda ti suspek ngem ti kabsatna idi ti nainaig iti iligal a droga.
Dagiti marijuana ket nasarakanda iti maysa a kalapaw a nailaok kadagiti nateng ket segun ti suspek, agmulmulada iti marijuana tapno adda pangalaanda iti pagagasda.
-- ADVERTISEMENT --
Nupay kasta, nagpalagip ni Alviar nga agtultuloy latta ti kampaniada kontra droga ket nagballaag dagiti amin agar-aramat iti iligal a droga.
