VIGAN CITY – Dua ti nakemmeg iti naiwayat a buy bust operation iti uneg ti maysa a fastfood chain idiay Barangay San Nicolas, Candon City
Nabigbig dagiti suspek a da Honasan Daguio Gabriel, agtawen iti tallopulo ket lima, agnaed iti Barangay Sawat, Camiling Tarlac ken ni Tito Lazo Ballesteros Jr., agtawen iti uppat a pulo ket uppat, agnaed iti Barangay Nalasin, Sto. Domingo.
Nakagatang ti poseur buyer iti dua a medium heat-sealed transparent plastic sachet a naglaon iti mapapati a shabu a nagserbi kas buy bust item.
Idi met nakapkapan ti suspek a ni Gabriel ket naala kenkuana ti walopulo a piraso ti one thousand peso a buy bust money, maysa a piraso ti one thousand genuine peso bill, maysa a dark blue sling bag, maysa a cellphone ken PHP500 a personal money.
Kabayatanna, naala met ken ni Ballesteros ti maysa nga iPhone.
Dagiti naala a shabu nga agdagsen iti nasurok kumurang sangapulo a gramo ket aggatad iti PHP68,000. s
