VIGAN CITY – Nakemmeg iti buy bust operation ni Marc June Quebral, agtawen iti tallopulo ket maysa, nailista a Top 10 Regional Priority Target ken ti drayberna a ni Robin Bermudez, construction worker, agtawen iti duapulo ket pito nga agpada a taga-Sabangan, Sinait.
Naaktuan dagiti suspek nga agilaklako iti shabu iti poseur buyer ket naala kadakuada ti maysa a piraso ti heat-sealed transparent plastic sachet ti shabu a nagserbi a buy bust item ken dua a piraso ti heat-sealed transparent plastic sachet a naglaon iti maatap a shabu nga ikot ti suspek nga agdagup iti duapulo a ribo a pisos.
Malaksid ti dayta, adda pay ti maysa a sangaribo a pisos a buy bust money, uppat a piraso ti sangaribo a pisos a boodle money ken motorsiklo.
Nupay kasta, sangwen dagiti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
