VIGAN CITY – Dua iti nakemmeg iti naisayangkat a buy-bust operation idiay Brgy. Oaig-Daya, Candon City.
Dagiti suspek ket nabigbig a da Jayson Garcia Urbano, agtawen ti tallopulo ket tallo, baro, food cart vendor nga agnaed idiay Brgy. San Isidro, Candon City ken maysa a PDEA target iti salinong iti prov’l level ken drug personality iti Candon Police Station kas street level individual kaduana ni Marlon Sid Martinez Bueno, agtawen ti tallopulo ket siam, tricycle driver nga agnaed idiay Brgy. Calaoa-an, Candon City ken drug personality iti Candon Citi Police Station kas street level individual.
Ti panagtitinnulong dahiti pannakabagi ti linteg ket naisayangkat ti buy-bust operation iti nasao a barangay a nagresultaan ti pannkakemmeg dagiti suspek.
Nakagatang ti poseur buyer iti maysa a piraso iti medium heat-sealed transparent plastic sachet a naglaon iti mapapati a shabu babaen ti dua a piraso iti sangaribo a pisos boodle marked money.
Naala manipod ken ni Garcia iti maysa a piraso ti medium heat sealed transparent plastic sachet a naglaon iti mapapati a shabu ken buy-bust money
Naipanen iti Candon City Police Station dagiti suspek tapno dumalan ti husto a proseso ket ti naala a mapapati a shabu kadakuasda ket agdagsen iti maysa a gramo nga aggatad iti innem a ribo walo gasut a pisos.
