VIGAN CITY – Dua a drug suspect ti nakemmeg iti naiwayat a buy bust operation kadagiti dua nga ili iti probinsia.
Immuna a nakemmeg idiay Barangay Sabangan, Santiago kangrunaan iti nipa hut nga asideg iti pagtaenganda ni Jimmy Elizaga, agtawen iti limapulo ket pito, a taga-Sabangan, Santiago, nailista kas drug personality, High Value Individual, Provincial Target ken CG member ti Baclig-Sarsi Drug Group babaeniti PDEA Target List.
Nakagatang ti poseur buyer iti maysa a piraso iti bassit a small heat-sealed transparent plastic sachet sachet a naglaon iti shabu nga isu ti buy bust item, maysa a genuine 1,000 perso bill.
Naala met manipud iti ikot ti suspek ti dua a piraso ti small heat-sealed transparent plastic sachet a naglaon iti shabu, maysa a piraso ti genuine 1,000 peso bill ken maysa a brown pouch nga aglaon iti 2,420.
Dagiti naala nga ebidenysa ket agdagsen iti 0.5 grams nga aggatad iti PHP2,500.
Kabayatanna, nakemmeg met idiay Barangay Cabaroan, Tagudin ni Marcel Loria, agtawen iti uppat a pulo ket walo, water delivery driver a nailista kas drug personality ken naibilang nga Street Level Individual.
Naaktuan ti suspek a nagilako iti maysa a heat-sealed transparent plastic sachet ti shabu iti poseur buyer.
Naala met manipud iti suspek ti maysa a small heat-sealed transparent plastic sachet a naglaon iti shabu nga isu ti nagserbi kas buy bust item.
Naala met iti ikotna ti maysa a small heat-sealed transparent plastic sachet ti shabu, maysa karton ti puspuro,maysa a genuine 1000 peso bill, lighter ken cellphone.
Dagiti naala a shabu ket agdagsen iti nasurok kumurang .5 grams nga aggatad iti PHP1,500.
Iggemen dagiti pannakabagi ti linteg dagiti dua a suspek tapno sangwenda iti kaso a panaglabsing iti RA 9165 wenno Comprehensive Dangerous Drugs Act of 2002.
