VIGAN CITY – Nakemmeg dagiti dua a drug suspect iti naiwayat a buy bust operation idiay Brgy. Tablac, Candon City.
Nabigbig dagiti suspek a da Maurice Dusbert Maledda, agtawen ti tallopulo ket lima a tubo iti Brgy. Poblacion, Banayoyo ngem agnaed ita iti Brgy. Langlangca 2nd ken ni Imaculada Audrey Gacusan, agtawen ti limapulo nga agnaed iti nasao a lugar.
Naala kadakuada ti maysa a small heat sealed transparent plastic sachet nga aglaon iti mapapati a shabu nga agdagsen iti 0.2 a gramo nga aggatad iti dua ribo a pisos.
Malaksid ti dayta, naala pay kadakuada ti duaribo a pisos a buy bust money, maysa a lighter, cellphone ken uppat a ribo a pisos.
Nupay kasta, addan iti Candon City Police Station dagiti suspek tapno dumalanda iti usto a proseso.
