VIGAN CITY – Matamtaming ti Intensive Care Unit ti Ilocos Sur Provincial Hospital Gabriela Silang dagiti dua a driver iti napasamak nga aksidente ti Brgy. Tamag, Vigan City.
Nabigbig ti driver ti Yamaha Aerox a ni Christian Quinagon agtawen ti dua pulo ket innem ken backrider na a ni Khier Frio agtawen ti sangapulo ket walo agpada nga agnaed ti Brgy. Pandan, Caoayan ken ti driver ti Honda Click a ni Carlo Jonel Gabuat agtawen ti dua pulo ket maysa agnaed ti Brgy. Pantay Quitiquit iti nasao nga ili.
Basar ti imbestigasyon Vigan City Police Station, nakita ni Romel Cabag ti pasamak ket daldalyasaten dagiti dua a lugan ti agduma a diresyon idi makadanun da iti nasao a lugar ket nagdinnungparda iti tengnga ti kalsada.
Ti agdama saan pay nga ammu dagiti otoridad no manu iti gatad dagiti lugan a nadadael iti napasamak nga aksidente.
