Agpada a nadundunor dagiti dua a driver iti motorsiklo gapu iti panagsinnagidda bayat ti panagdalyasatda iti national highway idiay Barangay Bungro, Magsingal, Ilocos Sur idi kalman April 3, 2025.
Ti nagmaneho iti Honda XRM motorcycle ket ni Karen Puchay Utrera, agtawen iti uppat a pulo ket walo, naasawaan, Barangay treasurer a holder iti Non-Professional Driver’s License nga agnaed idiay Barangay Maratudo, Magsingal.
Ti nagmaneho met iti Yamaha Sniper 155 motorcycle ket ni Erick Wendle Ardaniel Sagnep, agtawen iti sangapulo ket siam, college student, ken agnaed idiay Barangay Caronoan, San Juan.
Agpada nga agturong iti amianan a direksyon dagiti dua a lugan a ti akin-sango ket ti nagmaneho iti Honda XRM.
Nagover-take ti nagmaneho iti Yamaha Sniper ngem nasagidna iti Honda XRM a gappuanan ti pannakapukawda iti kontrol.
Nagsagaba iti dunor iti nadumaduma a paset ti bagi dagiti dua a driver isu nga insigidada a naipan iti Ilocos Sur District Hospital, Magsingal babaen kadagiti nagresponde a personnel iti Philippine National Police ken Bureau of Fire Protection.
Agpada a nakasuot iti helmet dagiti dua a driver idi napasamak iti aksidente.
