Agpada a nadunor dagiti dua a driver ti motorsiklo kalpasan iti aksidente a napasamak iti national highway idiay Barangay Suagayan, Sta. Lucia, Ilocos Sur idi kalman, August 3, 2025.
Ti nagmaneho iti Black Rusi 125 motorcycle ket lalaki nga agtawen iti duapulo ket walo, car wash attendant, addaan ti driver’s license nga agnaed idiay Barangay Paypayad, Candon City.
Ti met nagmeneho iti Black Yamaha Sniper 155 motorcycle ket lalaki nga agtawen iti duapulo, estudyante, addaan ti driver’s license nga agnaed idiay Barangay Suagayan, Sta. Lucia.
Maibasar iti CCTV footage, agpapabagatan a direksyon ti Rusi idinto a ti Sniper ket adda iti west shoulder lane nga agturong iti bagatan a direksyon.
Apaman a nadanonda iti nasao a lugar, nagballasiw ti Sniper iti national highway idin nadungparna ti Rusi.
Gapu dayta ket agpada a nadunor dagiti dua a driver isu a naipanda iti Ilocos Sur District Hospital-Sta. Lucia babaen kadagiti nagresponde a PNP ken Sta. Lucia MDRRMO personnelpara iti pannakatamingda.
