Dua ti nadunor iti panagdinnungpar dagiti dua a motorsklo iti barangay road ti Barangay Pudoc West, Tagudin, Ilocos Sur.
Ti Skygo motorcycle ket minaneho ti lalaki nga agtawen iti duapulo ket uppat, agnaed iti Barangay Pudoc East.
Ti met drayber ti Honda CB 110 motorcycle ket lalaki nga agtawen iti tallopulo ket maysa, agnaed iti Barangay Pudoc West.
Daldalyasaten dagiti dua a motorsiklo ti agsinnumbangir a linya ket idi madanonda ti nakapasamakan ti aksidente, immagaw ti linya ti Skygo a motorsiklo ket nagdinnungparda ti Honda CB 110 a motorsiklo.
Naipurwak iti kalsada ti drayber ti Skygo agraman ti luganna ket nagsaba iti dunor ti nadumaduma a paset ti bagina.
Nadunor met dagiti ramay ti kannigid nga ima ken saka ti drayber ti Honda CB motorcycle.
Naipaagas iti ospital dagiti dua a drayber para iti naan-anay a pannakatamingda.
Naammuan nga awan ti driver’s license ti drayber ti Honda CB a motorsiklo ken awan ti suotna a helmet idi napasamak ti aksidente.
