Dua a drayber ti nadunor iti napasamak nga aksidente iti Rizal Street, Barangay VIII, Vigan City, Ilocos Sur.
Nabigbig ti drayber ti Yamaha Mio motorcycle a ni Khier Andrie Tabuno Banficas, agtawen iti tallopulo ket dua, taga-Barangay VII.
Ti met drayber ti Honda Click motorcycle ket ni Sheryl Macalintal Bielza, agtawen iti uppat a pulo ket uppat, taga-Barangay Baggoc, Caoayan.
Kabayatanna, ti E-BIKE ket minaneho ni Rose Ann Diego Que, agtawen iti tallopulo ket pito, taga-Barangay VII.
Daldalyasaten dagiti dua a motorsiklo ti agsinnumbangir a linya ket idi madanonda ti nakapasamakan ti aksidente, immagaw ti Honda Click motorcycle iti linya idi iovertake-na ti EBIKE.
Nupay kasta, nagdinnungpar dagiti dua a motorsiklo ken naidungpar ti nagmaneho iti Honda Click iti EBIKE.
Nadunor ti nadumaduma a paset ti bagi dagiti nagmaneho iti motorsiklo isu a naipaagasda iti ospital para iti pannakatamingda.
Ti met nagmaneho iti EBIKE ket saan a naan-ano.
