Dua a drayber ti motorsiklo, nadunor iti aksidente iti ili ti Bantay

VIGAN CITY – Dua a drayber ti motorsiklo ti nadunor gapu ti napasamak nga aksidente idiay Barangay Bulag, Bantay.

Ti Yamaha Mio 125 ket minaneho ni Police Corporal Querico De Villa Segismundo, agtawen iti tallopulo ket pito, PNP member, agnaed iti Barangay 4, Bantay.

Kabayatanna, ti met Motorstar Easyride 150 ket minaneho ni Roland Labarejos Radam, agtawen iti tallopulo ket innem, Marketing Officer ti Motorstar, agnaed iti Barangay Bantaoay, San Vicente.

Agpapadaya a direksyon ti Yamaha Mio idin ta idi nagsikko a sumrek iti Camp Elpidio Quirino let natukbob ti agpapalaud a Motorstar Easyride.

Nupay kasta, nagsagaba dagiti dua a drayber iti minor injuries a naipaagas iti ospital para ti pannakatamingda.