VIGAN CITY – Naipaagas ti dua a drayber ken dagiti pasaheroda gapu ti panagsinnagid dagiti naglugananda a bus ken pickup idiay Barangay Sulvec, Narvacan, Ilocos Sur.
Nabigbig ti nagmaneho iti Florida bus a ni Ruben Abad Austin, agtawen iti limapulo ket lima, taga-Barangay San Antonio, Piddig, Ilocos Norte.
Ti met Pickup ket minaneho ni Marvin Rectin Tadlas, agtawen iti tallopulo ket tallo, inluganna da Ivy Narido Hernandez, agtawen iti duapulo ket innem, Edcelle Macula Zabala, agtawen iti tallopulo ket maysa, Carlo Alfaro Dacuro, agtawen iti tallopulo, agpapada a taga-Project 6, Quezon City.
Agpapa-abagatan ti Florida bus idinto nga adda iti bangir a linya ti pickup, ket idi magtengda ti kurbada a paset ti kalsada, nadungpar ti bus ti akin-kannigid a paset ti pickup.
Gapu dayta, nakaro ti dadael ti pickup idinto a napitpit met ti akin-kannigid a paset ti bus.
