--Ads--
Dua ti nadunor iti pannakatukbob ti motorsiklo iti kurong-kurong iti national highway idiay Barangay San Antonio, Narvacan, Ilocos Sur.
Ti kurong-kurong ket minaneho ti maysa a lalaki nga agtawen iti sangapulo ket walo, agnaed iti Barangay San Antonio.
Ti met motorsiklo ket minaneho ti lalaki nga agtawen iti duapulo ket dua, agnaed iti Barangay Lungog.
Agpapa-abagatan ti kurong-kurong iti outer lane ti highway, ket mapapati a nag-overtake ti motorsiklo a saanna a nadlaw ti kurong-kurong isu a natukbobna daytoy.
-- ADVERTISEMENT --
Gapu dayta, nadunor dagiti dua a drayber isu a naipaagasda iti ospital para iti naan-anay a pannakatamingda.
Naduktalan a nakainom ti drayber ti motorsiklo ken awan ti suotna a helmet idi napasamak ti aksidente.
