Dua ti nadangran iti panagdinnungpar ti kotse ken motorsiklo iti national highway ti Barangay Taleb, Bantay, Ilocos Sur.
Nabigbig ti nagmaneho iti kotse a ni John Michael Madriaga Pardo, agtawen iti tallopulo ket maysa, taga-Barangay 5.
Ti met nagmaneho iti Yamaha Mioi125 a motorsiklo ket ni Erwin Hernandez Mendoza, agtawen iti duapulo ket tallo, taga-Barangay Taleb.
Agpapadaya ti kotse ket idi makadanon iti nakapasamakan ti insidente, nagovertake ti motorsiklo nga adda iti bangir a linya iti maysa met laeng a motorsiklo iti inner lane, ket nagdinnungparda.
Naipurwak ti motorsiklo iti mano a metro manipud iti nakapasamakan ti aksidente.
Nadunor ti nadumaduma a paset ti bagi ti drayber ti motorsiklo idinto a ti drayber ti kotse ket agalenna ti nasakit a tumengna.
Naipanda iti ospital para iti naan-anay a pannakatamingda, ket naamoan a nakainom ti drayber ti motorsiklo.
